Presidenti ukrainas Volodymyr Zelensky ka udhëtuar këtë të mërkurë drejt Britanisë, për t’u takuar me kryeministrin Rishi Sunak. Kjo është vizita e dytë e Presidentit ukrainas, jashtë vendit të tij, që prej nisjes së luftës së Rusisë më 24 shkurt. Udhëtimi i Zelenskyt jashtë Ukrainës ishte në Uashington në muajin dhjetor.

Në vizitën e tij në Londër, Presidenti Zelensky do të vizitojë trupa ukrainase që po trajnohen nga forcat britanike dhe më pas do i drejtohet Parlamentit me një fjalim.

Kryeministri i Mbretërisë së Bashkuar Rishi Sunak ndërkohë njoftoi se vendi i tij do të zgjerojë trajnimin për pilotët luftarakë dhe marinsat, ndërsa premtoi gjithashtu një investim afatgjatë në ushtrinë e Ukrainës.

“Vizita e Presidentit Zelensky në MB është një dëshmi e guximit, vendosmërisë dhe luftës së vendit të tij dhe një dëshmi e miqësisë së pathyeshme midis dy vendeve tona. Që nga viti 2014, Britania e Madhe ka ofruar trajnime jetike për forcat ukrainase, duke i lejuar ata të mbrojnë vendin e tyre, të mbrojnë sovranitetin e tyre dhe të luftojnë për territorin e tyre. Jam krenar që sot do ta zgjerojmë atë trajnim nga ushtarët tek marinsat dhe pilotët e avionëve luftarakë, duke siguruar që Ukraina të ketë një ushtri të aftë për të mbrojtur interesat e saj edhe në të ardhmen”, tha Sunak.

/rtsh.al/