Protestat në Peru/ Mbyllet Machu Picchu, perla e turizmit botëror

Botë | 4 vite më parë

Një nga ikonat e turizmit peruan dhe botëror si Machu Piccu është mbyllur për një kohë të pacaktuar për turistët. Machu Piccu është mbyllur për shkak të protestave të vazhdueshme që po zhvillohen në Peru ndaj presidentit të vendit. Nga ana e saj, qeveria ka reaguar duke thënë se e mori këtë vendim për të mbrojtur turistët dhe qytetarët e saj.

Ndërkaq, qindra njerëz, kryesisht të huaj, janë të bllokuar në zonën turistike, transmeton BBC.

Gjatë muajve të fundit, Peruja është përfshirë nga protesta të dhunshme, të cilat filluan pasi lideri i mëparshëm u rrëzua nga pushteti, ndërsa tani demonstruesit po kërkojnë zgjedhje të reja dhe kërkojnë që presidentja e re Dina Boluarte të largohet, gjë që ajo deri më tani ka refuzuar ta bëjë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.