Ministri i Mbrojtjes i Ukrainës ka thënë se ka pasur një “diskutim të sinqertë” me homologun e tij gjerman për tanket gjermane Leopard 2, të cilat Kievi po i kërkon urgjentisht për t’u përballur me armaturën ruse. Gjermania nuk ka vendosur ende nëse do t’i dërgojë tanket në Ukrainë, apo do të lejojë vendet e tjera të dhurojnë të tyret, pavarësisht presionit për të vepruar.

Takimi në bazën ajrore Ramstein në Gjermani solli një marrëveshje për furnizimin e më shumë automjeteve të blinduara, sistemeve të mbrojtjes ajrore dhe municioneve.

Por Leopard 2 shihet si një ndryshim i mundshëm i lojës për Ukrainën, pasi është i lehtë për t’u mirëmbajtur dhe i projektuar posaçërisht për të konkurruar me tanket ruse T-90, të cilat po përdoren në pushtim.

Ministri gjerman i Mbrojtjes Boris Pistorius tha se mendimet mbeten të ndara për furnizimin me Leopardëve, por mohoi që Berlini po e bllokonte një lëvizje të tillë. Sipas ligjeve gjermane të eksportit, vendet e tjera që duan të furnizojnë Leopardët,  si Polonia dhe Finlanda, nuk janë në gjendje ta bëjnë këtë derisa Berlini të japë një përgjigje të qartë./ BBC

/rtsh.al/