Bisedimet e vështira po zhvillohen midis më shumë se 50 vendeve në bazën ajrore Ramstein të Gjermanisë, për koordinimin e përpjekjeve për të rritur furnizimet me armë për Ukrainën. Kryeministri polak ka thënë se është “pesimist” për marrjen e bekimit të Berlinit për sigurimin e tankeve.

Bisedimet vijnë një ditë pasi SHBA dhe disa vende evropiane premtuan më shumë pajisje ushtarake për të ndihmuar Ukrainën.

Presidenti i Ukrainës, Volodymyr Zelensky, ka vënë në shënjestër në mënyrë të përsëritur hezitimin e Gjermanisë, duke thënë se ai ishte ende “në pritje të një vendimi nga një kryeqytet evropian”.

“Tanket për Ukrainën janë tanke për lirinë”, tha Yuriy Sak, një këshilltar i ministrit të mbrojtjes të Ukrainës.

Ndërkohë, Rusia ka paralajmëruar vendet perëndimore se ofrimi i tankeve për Ukrainën do të shënonte një përshkallëzim “jashtëzakonisht të rrezikshëm” të konfliktit./ BBC

/rtsh.al/