Greva dhe protesta në Francë/ Macron: Do vazhdoj reformën e pensioneve

Botë | 4 vite më parë

Pavarësisht protestave të shumta, presidenti Emmanuel Macron këmbënguli se do të vazhdojë me planet për reformën e pensioneve.

Megjithëse, grevat dhe protestat e francezëve shkaktuan ndërprerje të transportit, mësimit dhe shërbimeve e tjera publike në të gjithë Francën, kreu i shtetit francez deklaroi gjatë një konference për shtyp “duhet ta bëjmë atë reformë” për të “shpëtuar” sistemin e pensioneve.

“Ne do ta bëjmë atë me respekt, në një frymë dialogu, por edhe me vendosmëri dhe përgjegjësi”, shtoi ai.

Duke iu referuar rregullave të reja, punëtorët francezë do të duhet të punojnë më gjatë përpara se të dalin në pension, ku mosha e pensionit rritet nga 62 në 64.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.