Një aksident me 12 viktima dhe 30 të plagosur është shënuar këtë të diel në Egjipt. Mësohet se autobusi me pasagjerët u përplas me një kamion duke shkaktuar viktima dhe plagosje.

“12 persona u vranë dhe 30 të tjerë u plagosën dhe u dërguan në spitalet e afërta”, thuhet në deklaratën e Ministrisë së Shëndetësisë.

Ky është aksidenti i dytë me vdekje që ka ndodhur në më pak se dhjetë ditë në Egjipt . Më 12 nëntor, 20 persona humbën jetën kur minibusi me të cilin po udhëtonin u përmbys në një kanal të deltës së Nilit në veri.

Prokuroria ka nisur një hetim për shkaqet dhe rrethanat e aksidentit. Aksidentet e trafikut janë të zakonshme në Egjipt, ku rrugët shpesh mirëmbahen keq dhe ligjet e trafikut zbatohen rrallë.

Zyrtarisht, 7,000 njerëz u vranë në aksidente trafiku në vitin 2021 në vendin më të populluar të botës arabe, me një popullsi prej 104 milionë banorësh.

/rtsh.al/