Shkeli ligjet e imigracionit, lirohet nga burgu ish-ambasadorja britanike

Botë | 4 vite më parë

Ish-ambasadorja e Mbretërisë së Bashkuar në Myanmar, Vicky Bowman, e cila u burgos për dyshime se ka shkelur ligjet e imigracionit, është liruar. Bowman dhe bashkëshorti i saj Htein Lin, ishin në mesin e një numri të burgosurish të liruar “nën amnisti”.

Në shtator, dyshja u dënuan me një vit burg për “dështimin e regjistrimit si banues në një adresë tjetër” – një shkelje e Aktit të Emigracionit të vendit. Bowman ishte ambasadorja britanike në Mianmar midis 2002 dhe 2006. Në kohën e ndalimit, ajo drejtonte një organizatë që promovon praktikat etike të biznesit në Mianmar.

Zëdhënësi i qeverisë, gjeneralmajor Zaw Min Tun tha se regjisori japonez Toru Kubota, ekonomisti australian Sean Turnell, si dhe një amerikan, gjithashtu janë liruar dhe dëbuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.