Zgjedhjet në Britani/ Penny Mordaund tërhiqet nga gara, Rishi Sunak do të bëhet Kryeministri i ri

Botë | 4 vite më parë

Rishi Sunak do të bëhet kryeministri i Mbretërisë së Bashkuar pasi rivalja e tij Penny Mordaunt është tërhequr në momentin e fundit nga gara. Me anë të një postimi në rrjetin social Twitter, Mordaunt shpreh mbështetjen e saj të plotë ndaj Sunak.

“Është e qartë se kolegët mendojnë se ne kemi nevojë për siguri sot. Ata e kanë marrë këtë vendim me mirëbesim për të mirën e vendit. Ky vendim është një vendim historik dhe tregon edhe një herë diversitetin dhe talentin e partisë sonë. Rishi ka mbështetjen time të plotë. është koha për të bashkuar dhe punuar së bashku për të mirën e kombit. Ka shumë punë për të bërë”, shkroi Mordaunt në Twitter. Tërheqja e Mordaunt do të thotë se ka mbetur vetëm një kandidat në garë, që është Rishi Sunak dhe për këtë arsye ai do të bëhet lideri i ri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.