Rrëzimi i avionit ushtarak rus, shkon në 13 numri i të vdekurve

Botë | 4 vite më parë

Ka shkuar në 13 numri i të vdekurve si pasojë e rrëzimit të avionit ushtarak rus. Sipas The Guardian, luftëtari-bombardues Su-34 u rrëzua në një ndërtesë menjëherë pas ngritjes në bazën ajrore Yuzhny.

Avioni, për të cilin Ministria ruse e Mbrojtjes tha se ishte në një fluturim stërvitor, po mbante një ngarkesë që shpërtheu menjëherë pas përplasjes. Të dy pilotët arritën të tërhiqen nga avioni para se të godiste ndërtesën, duke u hedhur me parashutë.

“Sipas një raporti nga pilotët, të cilët u larguan nga avioni, arsyeja e rrëzimit ishte një zjarr në një nga motorët gjatë ngritjes”, njoftoi Ministria ruse e Mbrojtjes.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.