Zjarri në burgun ku mbahen të burgosurit politikë në Iran, 4 të vdekur dhe 61 të plagosur

Botë | 4 vite më parë

Katër të burgosur kanë vdekur dhe 61 të tjerë janë plagosur pas një zjarri të madh në burgun famëkeq “Evin” të Iranit, cili njihet për strehimin e të burgosurve politikë. Pamjet e shpërndara në internet tregojnë burgun në flakë, teksa raportohet se janë dëgjuar edhe të shtëna armësh dhe shpërthime.

Irani është përfshirë prej javësh nga protesta antiqeveritare, por megjithatë nuk dihet ende nëse situata në burg është e lidhur me demonstratat e fundit, edhe pse qindra protestues janë dërguar në “Evin”.

Këto protesta shpërthyen fillimisht muajin e kaluar pas vdekjes së 22-vjeçares kurde iraniane Mahsa Amini në paraburgim nga policia. Zyrtarët thanë se ajo vdiq nga një atak në zemër, por familja e saj e kundërshtoi këtë, duke thënë se ajo ishte rrahur nga policia e moralit./ BBC

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.