Një tjetër rrjedhje të tubacionit të naftës është shënuar në Poloni. Tubacioni ndodhej në një distancë rreth 70 kilometra nga qyteti i Pllokut.

Shkaku i rrjedhjes nuk dihet ende, ndërkohë linja e dytë e gazsjellësit si dhe pjesa tjetër e infrastrukturës së PERN po funksionojnë normalisht.

“Për momentin, të gjitha shërbimet PERN (teknike, operacionale, siguria nga zjarri dhe mbrojtja e mjedisit) po marrin masa bazuar në algoritmet përkatëse të krijuara për raste të tilla”, njofton Operatori polak i tubacionit PERN.

Tubacioni PERN transporton naftë nga Rusia në Evropë.

Çmimet e energjisë janë rritur që kur Moska pushtoi Ukrainën dhe furnizimet e pakta mund të rrisin kostot edhe më tej. Ka frikë në rritje se familjet në BE nuk do të jenë në gjendje të përballojnë koston e ngrohjes këtë dimër.

Polonia po udhëheq përpjekjet për të frenuar varësinë nga Rusia, dikur furnizuesi kryesor i energjisë i Evropës, me inaugurimin e një tubacioni të ri gazi.

/rtsh.al/