Italia voton sot (25 shtator) për të zgjedhur qeverinë e re në zgjedhjet e përgjithshme parlamentare.

Vendvotimet janë të hapura nga ora 7 e mëngjesit deri në orën 23:00 e darkës.

Pothuajse 51 milionë italianë kanë të drejtë të votojnë, nga të cilët 4.7 milionë jetojnë jashtë vendit. 

Votuesit do të zgjedhin një Parlament me një numër të reduktuar ulësesh në Dhomën e Ulët (400 nga 630), ndërsa Senati do të ketë 200 vende nga 315 të mëparshme.

Votuesit italianë thirren në kutitë e parakohshme, pas dorëheqjes së qeverisë së Mario Draghit në korrik. 

Kryetarja e Komisionit të KE Ursula  von der Leyen dërgoi një mesazh të fortë në nisje të procesit të votimeve “Ne do të punojmë me çdo qeveri demokratike që dëshiron të punojë me ne”, por “nëse gjërat shkojnë keq, ne kemi mjetet” për t’u përgjigjur. Do ta shohim rezultatin e zgjedhjeve”, tha kryetarja e KE.

Dy aleanca kryesore të partive pjesëmarrëse në garën elektorale: fronti konservator (me Vëllezërit e Italisë, Lidhja dhe Forza Italia) dhe ajo progresive (Partia Demokratike, Më shumë Evropë, Aleanca e Ambientalistëve dhe E Majta Italiane dhe Zgjedhja e Qytetarëve) .

Në të njëjtën kohë, Lëvizja Pesë Yjet po merr pjesë në zgjedhjet italiane si forcë e pavarur, ndërsa mbështetjen e votuesve kërkojnë edhe partitë Zodani Italia dhe Drasi, të cilat së fundmi krijuan të ashtuquajturin “Poli i Qendrës” .

/rtsh.al/