Scholz telefonon Putin: Gjeni zgjidhje për armëpushimin dhe tërhiq trupat ruse nga Ukraina

Botë | 4 vite më parë

Kancelari gjerman Olaf Scholz dhe presidentit rus Vladimir Putin kanë zhvilluar një telefonatë pas 4 muajsh ‘heshtje’ mes tyre.

Në fokus të bisedimeve ka qenë gjetja e një zgjidhje diplomatike për konfliktin në Ukrainë bazuar në një armëpushim dhe tërheqjen e plotë të trupave ruse sa më shpejt të jetë e mundur.

Në telefonatën 90-minutëshe, Scholz theksoi nevojën për të garantuar sigurinë e termocentralit bërthamor Zaporizhia në Ukrainë dhe i bëri thirrje Putinit që të vazhdojë të zbatojë plotësisht marrëveshjen e grurit të mbështetur nga Kombet e Bashkuara.

“Kancelari theksoi se çdo hap i mëtejshëm i aneksimit rus nuk do të mbetet pa përgjigje dhe nuk do të njihet në asnjë rrethanë”, tha zëdhënësi i qeverisë gjermane në një deklaratë, duke shtuar se Scholz dhe Putin ranë dakord të qëndronin në kontakt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.