Pas vdekjes së Elizabeth II, mbreti Charles III ka krijuar një hierarki të re, me Princin William tani të parë në linjën e fronit. Sipas The Guardian, pas vdekjes së mbretëreshës më 8 shtator në Balmoral, në moshën 96-vjeçare, familja mbretërore ka një linjë të re pasardhëse, me më shumë fëmijë sesa të rritur, që tani përbëjnë tetë pozicionet e para.

Princi William, 40-vjeç

Djali i madh i mbretit Charles dhe Dianës, Duka i Kembrixhit tani është trashëgimtari i dukshëm dhe i radhës për fronin.

Princi George, 9-vjeç

Djali më i madh i Kate dhe William, George, zë vendin e William si i dyti në radhë për t’u bërë monarku i ardhshëm britanik.

Princesha Charlotte, 7-vjeç

Pas vdekjes së gjyshes së saj, Charlotte shtatë vjeçare bëhet femra mbretërore më e vjetër për sa i përket trashëgimisë.

Princi Louis, 4-vjeç

Anëtari më i ri i familjes së Kembrixhit, Louis u bë i njohur pasi luajti në moshën e tij në festimet e jubileut të Mbretëreshës.

Princi Harry, 37-vjeç

Ai ka një jetë të re në Kaliforni, por Duka i Sussex është ende i pesti në radhë për të pasuar të atin.

Archie Mountbatten-Windsor, 3-vjeç

Më i madhi nga fëmijët e Harry dhe Meghan ka lindur në Londër.

Lilibet Mountbatten-Windsor, 15-muajshe

Me emrin e stërgjyshes së saj, Lillibet takoi Mbretëreshën për herë të parë këtë verë.

Princi Andrew, 62-vjeç

Duka i Jorkut u hoq nga detyrat mbretërore pasi u zgjidh padia e Virginia Giuffre, por ai është ende në linjën zyrtare të trashëgimisë.

/rtsh.al/