Presidenti turk Rexhep Tajip Erdogan tha se vendi i tij mund t’i drejtohet vendeve të tilla si Rusia nëse SHBA dështon të zbatojë një premtim për të ofruar avionë luftarakë F-16.

“Turqia mund t’u drejtohet vendeve të tjera, përfshirë Rusinë, për të blerë avionë luftarakë nëse Shtetet e Bashkuara nuk i japin asaj luftëtarët F-16. Shpresoj që Shtetet e Bashkuara të mos na shtyjnë në rrugë të tjera. Ajo që dua të them me këtë është se Shtetet e Bashkuara nuk janë të vetmet në botë që shesin avionë luftarakë. Shesin edhe Anglia, Franca, Rusia. Është e mundur t’i marrim kudo”, tha Erdogan.

Turqia u përjashtua nga një program për të zëvendësuar një gamë të gjerë avionësh luftarakë, sulmues dhe sulmues tokësorë për aleatët e NATO-s pasi bleu një sistem të avancuar të mbrojtjes raketore ruse në vitin 2019.

Me përmirësimin e marrëdhënieve SHBA-Turqi në përgjigje të pushtimit rus të Ukrainës , presidenti i SHBA Joe Biden i tha Erdoganit në qershor se ai do të mbështeste shitjen e avionëve më pak të avancuar F-1, por nuk ka gjetur mbështetjen e Kongresit amerikan.

/rtsh.al/