Presidenti i Këshillit Evropian, Michel: Rusia po e përdor gazin si armë

Botë | 4 vite më parë

Vendimi i Rusisë për të mbajtur të mbyllur tubacionin e gazit Nord Stream 1, nuk është pritur mirë nga udhëheqësit evropianë. Charles Michel, presidenti i Këshillit Evropian, i cili përbëhet nga krerët e shteteve të BE-së, në një postim në Twitter tha se “përdorimi i gazit si armë nuk do të ndryshojë vendosmërinë e BE-së”.

“Lëvizja e Gazprom fatkeqësisht nuk është befasi. Përdorimi i gazit si armë nuk do të ndryshojë vendosmërinë e BE-së. Ne do të përshpejtojmë rrugën tonë drejt pavarësisë energjetike. Detyra jonë është të mbrojmë qytetarët tanë dhe të mbështesim lirinë e Ukrainës”, shkruan Michel.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.