Përmbytjet/ Një e treta e Pakistanit është nën ujë, vendi vuan mungesën e ushqimeve dhe ujit të pijshëm

Botë | 4 vite më parë

Më shumë se një e treta e Pakistanit është nën ujë, sipas imazheve satelitore nga Agjencia Evropiane e Hapësirës (ESA), pasi përmbytjet vdekjeprurëse kërcënojnë të krijojnë fatkeqësi dytësore.

Ushqimi është në mungesë pasi uji mbuloi miliona hektarë të mbjella dhe zhduku qindra mijëra bagëti. Ndërkohë, agjencitë e ndihmës kanë paralajmëruar për një rritje të sëmundjeve infektive, duke lënë miliona njerëz të prekshëm ndaj sëmundjeve.

Më shumë se 1,100 njerëz kanë vdekur nga përmbytjet që nga mesi i qershorit, gati 400 prej tyre fëmijë, ndërsa miliona janë zhvendosur, sipas Autoritetit Kombëtar të Menaxhimit të Fatkeqësive të Pakistanit (NDMA).

Pakistani, i cili tashmë po përballej me trazirat politike dhe ekonomike, është në vijën e parë të krizës klimatike të shkaktuar nga njerëzit./ CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.