Një gjykatë amerikane ka bërë publike një inventar të detajuar të materialeve të sekuestruar nga FBI-ja në shtëpinë e ish-presidentit, Donald Trump, në Florida muajin e kaluar. Sipas dosjes, agjentët morën 33 kuti me dokumenta, duke përfshirë edhe dhjetëra dosje boshe të shënuara si “të klasifikuara”. 

Lista zbulon gjithashtu se disa dokumente të shënuara si “sekret” dhe “tepër sekret”, janë gjetur në zyrën e Trump. Ish- presidenti, i cili po hetohet për abuzim me të dhënat e klasifikuara, mohon keqbërjen. Ndër sendet e gjetura pas kontrollit të paprecedentë të 8 gushtit në Mar-a-Lago ishin: 

3- dokumente të shënuara si “konfidenciale”

17- dokumente të shënuara “sekret”

7- dokumente të shënuara “top sekret”

43- dosje bosh me banderola “të klasifikuara”

28- dosje bosh me etiketën “Kthimi te sekretari i stafit/ndihmës ushtarak”

Pas largimit nga detyra, presidentët amerikanë duhet t’i transferojnë të gjitha dokumentet dhe e-mailet e tyre në Arkivin Kombëtar.  Departamenti i drejtësisë po shqyrton nëse Trump i ka trajtuar në mënyrë të kokorrekte të dhënat, duke i çuar ato nga Shtëpia e Bardhë në pronën e tij në Mar-a-Lago. pasi ai u largua nga detyra në janar 2021.

Prokurorët pretendojnë se Trump dhe avokatët e tij nuk arritën t’i jepnin dokumentet vullnetarisht dhe, sipas tyre, “ka të ngjarë që ata fshehën ose hoqën të dhënat”, si pjesë e një përpjekjeje për të penguar hetimin. BBC

/rtsh.al/