SHBA do të ndihmojë Europën me furnizimin me gaz

Botë | 4 vite më parë

SHBA do të ndihmojnë për të rritur rezervat e gazit në Europë dhe për të ndihmuar vendet për të përmirësuar burimet e tjera të energjisë.

Këtë e ka bërë të ditur zëdhënësi i Këshillit të Sigurisë Kombëtare Amerikane, John Kirby, i cili akuzoi Rusinë për një tjetër përpjekje për të “përdorur energjinë si armë” me mbylljen e gazsjellësit Nord Stream 1.

Ditën e sotme Rusia ka ndërprerë plotësisht furnizimin me gaz në Evropë, duke thënë se nevojiten riparime. Gjigandi shtetëror rus i energjisë, Gazprom, tha se kufizimet në gazsjellësin Nord Stream 1 do të zgjasin për tre ditët e ardhshme.

Gazprom gjithashtu hodhi poshtë akuzat për përdorimin e furnizimeve me energji si një mënyrë për të ndëshkuar vendet perëndimore për vendosjen e sanksioneve mbi pushtimin e Ukrainës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.