Lufta në Ukrainë, UNICEF: Të paktën 356 fëmijë kanë humbur jetën

Botë | 4 vite më parë

Të paktën 356 fëmijë humbën jetën dhe 586 u plagosën në gjashtë muaj luftë në Ukrainë. Sipas UNICEF të paktën 16% e fëmijëve të vrarë në Ukrainë ishin nën moshën 5 vjeç.

“Si në të gjitha luftërat, vendimet e pamatura të të rriturve po i vënë fëmijët në rrezik ekstrem. Nuk ka operacione të armatosura të këtij lloji që nuk rezultojnë me lëndime të fëmijëve”, thotë UNICEF

Kjo shifër tha UNICEF përfaqëson numrin e viktimave që janë verifikuar nga OKB-ja, dhe se shifrat reale mund të jenë shumë më të larta. UNICEF bëri thirrje për t’i dhënë fund përdorimit të armëve shpërthyese në zonat e populluara, si dhe sulmeve ndaj objekteve dhe infrastrukturës civile.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.