“Gjyqi fiktiv rus i të burgosurve ukrainas do të ndërpresë çdo lloj komunikimi me Rusinë”, Kështu është shprehur Presidenti i Ukrainës, Volodimir Zelensky ndërsa thekson se nëse ekziston kjo gjykatë e neveritshme, nuk do të ketë më bisedime mes palëve.

“Ka raportime në media se Mariupol po përgatit skenën për një gjyq absolutisht të neveritshëm dhe absurd kundër mbrojtësve ukrainas, ushtarët tanë që janë të burgosur të pushtuesve. Nëse ekziston kjo gjykatë e neveritshme, nëse njerëzit tanë vijnë në këto kontekste në kundërshtim me të gjitha marrëveshjet dhe rregullat ndërkombëtare, kjo do të jetë linja përtej së cilës do të jetë e pamundur çdo negociatë. Nuk do të ketë më bisedime”, tha Zelensky.

Reagimi e Zelenskit vjen si pasojë e lajmeve se ishte planifikuar një gjyq në qytetin port ukrainas të Mariupolit, i cili u kap nga trupat ruse dhe separatistët e mbështetur nga Moska.

Ndërsa lufta i afrohet momentit historik të saj gjashtëmujor, Rusia po përpiqet të motivojë trupat e saj ndihmëse nga rajonet separatiste në Ukrainë, besnike ndaj Moskës.

/rtsh.al/