Rreth 27 anije të ngarkuara me grurë janë larguar nga portet e Detit të Zi të Ukrainës që nga 1 gushti në bazë të një marrëveshjeje eksporti të ndërmjetësuar nga Kombet e Bashkuara dhe Turqia.  e cila ka hedhur “bazën për një mjedis të përhershëm paqeje”, tha

Në një fjalim këtë të shtunë,  Ministri i Mbrojtjes i Turqisë tha se kjo marrëveshje ka hedhur bazat për një mjedis të përhershëm paqeje.

“Që nga 1 gushti, gjithsej 53 anije kanë lundruar për dërgesat e grurit, 27 prej të cilave janë nisur nga portet ukrainase“, tha Hulusi Akar në Qendrën e Përbashkët të Koordinimit në Stamboll (JCC) së bashku me Sekretarin e Përgjithshëm të Kombeve të Bashkuara, Antonio Guterres.

Qendra përbëhet nga zyrtarë rusë, ukrainas, turq dhe të OKB-së që mbikëqyrin eksportet e drithit dhe plehrave ukrainase në Detin e Zi.

Guterres tha se më shumë se 650,000 tonë metrikë drithë dhe ushqime të tjera janë tashmë në rrugën e tyre drejt tregjeve në mbarë botën.

Ata theksuan rëndësinë e këtyre eksporteve pasi do të ndihmonte në kapërcimin e krizës së ushqimit që prek të gjithë botën, veçanërisht në uljen e çmimeve.

Rusia dhe Ukraina janë gjithashtu furnizuesit kryesorë të komponentëve kryesorë të plehrave: ure, potas dhe fosfat.

 “Pa plehra në 2022, mund të mos ketë ushqim të mjaftueshëm në 2023. Marrja e më shumë ushqimeve dhe plehrave nga Ukraina dhe Rusia është kritike për të qetësuar më tej tregjet e mallrave dhe çmime më të ulëta për konsumatorët,” tha Guterres.

Marrëveshj, e ndërmjetësuar nga OKB-ja dhe Turqia, dhe e nënshkruar nga përfaqësues nga Rusia dhe Ukraina në korrik, premtoi të zhbllokojë portet në Detin e Zi për të lejuar kalimin e sigurt të drithërave dhe farave./ CNN.gr

/rtsh.al/