Zyrtarët shëndetësorë në SHBA kanë ngritur alarmin pas konstatimit në ujërat e zeza të New York të virusit që shkakton poliomelitin. Autoritetet u bënë thirrje prindërve që të vaksinonin fëmijët kundër sëmundjes potencialisht vdekjeprurëse.

“Rreziku për banorët e Nju Jorkut është real, por mbrojtja është kaq e thjeshtë – vaksinohu kundër poliomelitit. Me poliomelitin që qarkullon në komunitetet tona, thjesht nuk ka asgjë më thelbësore sesa vaksinimi i fëmijëve tanë për t’i mbrojtur ata nga ky virus, dhe nëse jeni një i rritur i pavaksinuar ose i vaksinuar jo plotësisht, ju lutemi zgjidhni tani për të marrë vaksinën. Polio është plotësisht i parandalueshëm dhe rishfaqja e tij duhet të jetë një thirrje për veprim për të gjithë ne” tha Komisioneri i Shëndetësisë në qytetin e Nju Jorkut, Dr. Ashëin Vasan.

Po ashtu dhe Dr. José R. Romero, drejtor i Qendrës Kombëtare për Imunizimin dhe Sëmundjet Respiratore të Qendrave për Kontrollin dhe Parandalimin e Sëmundjeve, deklaroi se poliomeliti përhapet më heshtje dhe mund të ketë shumë infektime. “Kjo është kthjelluese; ne e dimë se poliomieliti përhapet në heshtje, dhe ka të ngjarë që të ketë shumë njerëz të infektuar me poliomielit dhe që derdhin virusin në këto komunitete. Ky është gjithashtu një kujtesë urgjente dhe e gjallë e rëndësisë së vaksinimit”, tha ai.

/rtsh.al/