Departamenti i Drejtësisë i ka kërkuar një gjykate, që të zhbllokojë urdhrin e kontrollit që FBI-ja mori përpara se të kontrollonte pronën e ish-presidentit Donald Trump në Florida, tha të enjten Prokurori i Përgjithshëm Merrick Garland. Garland përmendi “interesin e konsiderueshëm publik për këtë çështje” në shpalljen e kërkesës në një konferencë shtypi të planifikuar me ngut të Departamentit të Drejtësisë. 

Garland tha se ai personalisht miratoi urdhrin e kërkimit, i cili ishte pjesë e një hetimi të vazhdueshëm të Departamentit të Drejtësisë për zbulimin e të dhënave të klasifikuara të Shtëpisë së Bardhë të gjetura nga shtëpia e Trump në Mar-a-Lago në Palm Beach, Florida në fillim të këtij viti. Nuk është ende e qartë se kur kërkesa për çvulosje, e paraqitur në gjykatën federale në Miami, mund të aprovohej, ose kur mund të publikoheshin dokumentet. Apnews

/rtsh.al/