Rusia planifikon të aneksojë më shumë territor ukrainas duke përdorur një  “lojëra” të ngjashme për marrjen e Krimesë, thonë SHBA.

Duke cituar inteligjencën amerikane, zëdhënësi i Këshillit të Sigurisë Kombëtare, John Kirby, tha se Rusia tashmë po hedh bazat për aneksimin.

Rajonet e pushtuara të Ukrainës mund të mbajnë referendume “të rreme” për bashkimin me Rusinë në shtator, tha ai.

Rusia aneksoi Krimenë nga Ukraina në vitin 2014 pas një referendumi i cili u konsiderua gjerësisht si i paligjshëm.

Ai akuzoi Rusinë për instalimin e zyrtarëve të paligjshëm pro-rusë për të drejtuar rajonet e pushtuara të Ukrainës, me qëllim organizimin e referendumeve për t’u bërë pjesë e Rusisë. Rezultatet e votave do të përdoren nga Rusia për të tentuar të pretendojë aneksimin e territorit sovran të Ukrainës.

Kirby tha se ai po “ekspozonte” planet ruse “kështu që bota e di se çdo aneksim i supozuar është i paramenduar dhe i paligjshëm dhe premtoi se do të kishte një përgjigje të shpejtë nga SHBA dhe aleatët e saj.

Zonat e synuara për aneksim përfshijnë Kherson, Zaporizhzhia, Donetsk dhe Luhansk, tha ai./ BBC

/rtsh.al/