Vrasja e ish kryeministrit japonez, shefi i policisë: Siguria e Abe ishte e cunguar, kam përgjegjësi

Botë | 4 vite më parë

Shefi i policisë së prefekturës Nara ku u vra ish-kryeministri i Japonisë Shinzo Abe tha se ai “merr përgjegjësinë” për dështimin e sigurisë që rezultoi në vrasjen e tij.

Shefi i policisë Tomoaki Onizuka tha në një konferencë shtypi të shtunën se personeli i sigurisë së Abe ndoqi planin e miratuar nga ai.

“E ndjej peshën e përgjegjësisë sime. Nuk mund të mohojë se kishte probleme me sigurinë e Abe”, tha ai.

Fakti që një ish-kryeministër mund të qëllohej për vdekje nga një distancë e afërt ndërsa mbante një fjalim në mes të ditës në një vend me shkallën më të ulët të krimit me armë në botë, ka tronditur Japoninë dhe ka bërë jehonë në mbarë botën.

Abe, 67 vjeç, pavarësisht dorëheqjes si kryeministër i Japonisë në vitin 2020 për arsye shëndetësore, mbeti një figurë me ndikim në peizazhin politik të vendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.