Uzbekistani ka shpallur një gjendje të jashtëzakonshme njëmujore në një republikë autonome, ku protestat e detyruan presidentin Shavkat Mirziyoyev të kthente mbrapsht disa reforma kushtetuese. Mijëra njerëz kanë mbetur të plagosur pas trazirave në kryeqytetin e provincës autonome Karakalpakstan të Uzbekistanit.

Sipas Sultanbek Ziyayev, kreut të Ministrisë së Shëndetësisë të Republikës së Karakalpakstanit, spitalet në qytetin e Nukusit janë plot me pacientë që u plagosën kur protestuesit u përleshën me forcat e sigurisë. Nga ana tjetër, Presidenti i Uzbekistanit Zafkat Mirziyoyev pranoi se kishte “viktima” në protestat antiqeveritare në republikën autonome të Karakalpakstanit.

“Fatkeqësisht, ka viktima midis qytetarëve dhe midis forcave të rendit. Shumë grupe u përpoqën të pushtonin ndërtesat e Ministrisë së Punëve të Brendshme në qytetin Nukus (kryeqyteti i Karakalpakstanit) dhe Ministrisë së Gardës Kombëtare për të marrë armë”, tha Mirziyoyev.

Trazirat janë kriza më serioze e brendshme me të cilën përballet presidenti Uzbekistan që kur ai mori detyrën në vitin 2016/ CNN.gr

/rtsh.al/