Shtëpia e Bardhë po planifikon të dërgojë mijëra vaksina kundër lisë së majmunëve në shtete si pjesë e një fushate federale në rritje për të ndalur shpërthimin, raporton BBC.

Virusi, i cili zakonisht gjendet vetëm në Afrikë, është përhapur në SHBA dhe Evropë me shpejtësi befasuese. Deri më tani në SHBA janë regjistruar 306 raste dhe asnjë vdekje.

Globalisht, ka pasur mbi 4,700 raste të raportuara në 49 vende që nga muaji i kaluar.

Departamenti i Shëndetësisë dhe Shërbimeve Njerëzore do të fillojë shpërndarjen e 56,000 dozave të vaksinës Jynneos me dy doza, e cila prodhohet nga një kompani daneze e quajtur Bavarian Nordic.

SHBA ka vetëm 64,000 doza të Jynneos ndërsa ka bërë një porosi për më shumë pasi kanë planifikuar të vënë në dispozicion 1.25 milion doza gjatë gjithë verës dhe vjeshtës.

Jynneos është miratuar nga Administrata e Ushqimit dhe Barnave dhe mund të ndalojë infeksionin pasi një person është tashmë i ekspozuar ndaj virusit.

Në fillim të kësaj jave, Nju Jorku dhe Uashingtoni filluan shpërndarjen e vaksinave, por shpejt mbaruan pa furnizime.

Lija e majmunëve mund të transmetohet përmes kontaktit të ngushtë me lëkurën, rrobat, shtratin dhe peshqirët. Infeksionet zakonisht pastrohen vetë nga 14 deri në 21 ditë.

/rtsh.al/