Krimet e Rusisë në Ukrainë, SHBA program për mbledhjen e provave

Botë | 4 vite më parë

“Observatori i Konfliktit” është program më i ri i Departamentit të Shtetit të Shteteve të Bashkuara të Amerikës për të kapur dhe analizuar provat e krimeve të luftës të kryera nga Rusia në Ukrainë.

Programi i Departamentit të Shtetit synon të dokumentojë, verifikojë dhe mbledhë prova të veprimeve të forcave ruse gjatë pushtimit të Ukrainës. BBC bën me dije se me anë të programit “Observatori i Konfliktit”, Departamenti i Shtetit do mbledhë imazhe satelitore dhe informacione të shpërndara nëpërmjet mediave sociale si pjesë e një përpjekjeje më të gjerë për të mbajtur Rusinë përgjegjëse për çdo krim lufte.

“Një platformë online do të ndajë publikisht informacionin e mbledhur për të ndihmuar në hedhjen poshtë të çdo përpjekjeje për dezinformim nga qeveria ruse”, tha Departamenti i Shtetit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.