Presidenti ukrainas Volodymyr Zelensky ka zhvilluar një bisedë telefonike me kancelarin gjerman Olaf Scholz. Përmes një postimi në Twitter, Zelensky e konsideron “produktive” bidedën me Scholz ndërsa bën të ditur se u diskutua për forcimin e sanksioneve dhe presionit ndaj Rusisë, si dhe perspektivën e paqes. Po ashtu Zelensky tha se shprehu vlerësim për mbështetjen dhe ndihmën nga e Gjermanisë në rrugën e Ukrainës drejt anëtarësimit të plotë në BE . 

“Zhvillova një bisedë produktive me Olaf Scholz. Diskutuan situatën në vijën e parë, presionin e mëtejshëm ndaj Rusisë, shtimin  e sanksioneve, perspektivat e paqes. Gjithashtu i shpreha kancelarit gjerman vlerësimin për ndihmën e Gjermanisë, përfshirë atë mbrojtëse. Ne kemi besim në ndihmën e mëtejshme gjermane në rrugën e Ukrainës drejt anëtarësimit të plotë në BE,” shkruan Zelensky.

/rtsh.al/