DASH: Sekretari Blinken vizitë në Evropë, takim me ministrat e Jashtëm të NATO-s për situatën në Ukrainë

Botë | 4 vite më parë

Departamenti Amerikan i Shtetit bëri të ditur sot se Sekretari amerikan i Shtetit, Antony Blinken, do të udhëtojë në Evropë ditën e shtunë, për t’u takuar me ministrat e jashtëm të NATO-s. Në qendër të këtij takimi do të jetë lufta e Ruisë ndaj Ukrainës, si dhe një përgjigje e unifikuar e NATO-s ndaj këtij zhvillimi.

“Më 14 maj, Blinken do të udhëtojë në Berlin për të marrë pjesë në një takim jozyrtar të Ministrave të Jashtëm të NATO-s, ku aleatët dhe partnerët do të diskutojnë përgjigjen e tyre të unifikuar ndaj luftës brutale të vazhdueshme të Rusisë kundër Ukrainës dhe Samitit të ardhshëm të Liderëve në Madrid,” thuhet në deklaratën e Departamentit Amerikan të Shtetit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.