Kombet e Bashkuara dhe Komiteti Ndërkombëtar i Kryqit të Kuq (KNKK) kanë nisur një operacion të tretë për evakuimin e civilëve nga qyteti port ukrainas i Mariupol dhe fabrika e çelikut Azovstal, raporton CNN.

Sekretari i Përgjithshëm i OKB-së Antonio Guterres tha se ky është operacioni i tretë i tillë për evakuimin e qytetarëve nga zona pas dy operacioneve të tjera. 

“Deri më tani, në total, gati 500 civilë kanë gjetur lehtësimin e shumëpritur pasi kanë jetuar nën granatimet e pamëshirshme dhe disponueshmërinë e pakët të ujit, ushqimit dhe kanalizimeve.Të evakuuarit kanë ndarë histori prekëse me stafin e OKB-së – nënat, fëmijët dhe gjyshërit e dobët folën për traumën e tyre. Disa kishin nevojë urgjente për kujdes mjekësor. Shpresoj se koordinimi i vazhdueshëm me Moskën dhe Kievin do të çojë në më shumë pauza humanitare për t’u lejuar civilëve një kalim të sigurt nga luftimet dhe ndihma për të arritur ata në nevojë kritike“, tha Guterres.

/rtsh.al/