Imazhet satelitore/ Zyrtarët ukrainas: Mbi 200 varre në perëndim të Mariupolit, prova për krime të tjera lufte nga Rusia

Botë | 5 vite më parë

Varreza masive janë identifikuar jashtë qytetit të Mariupolit. Zyrtarët ukrainas duke iu referuar imazheve të kapura nga Maxar Technologies, shprehen se këto varre masive dëshmojnë për të tjera krime lufte të Rusisë ndaj Ukrainës.

Sipas imazheve satelitore, bëhet fjalë për më shumë se 200 varre të reja në skajin veriperëndimor të Manhushit, qytetit rreth 12 milje në perëndim të Mariupolit.

Në një postim të enjten në Telegram, Petro Andriushchenko, një këshilltar i kryetarit të bashkisë së Mariupolit, tha se kamionët rusë kishin mbledhur kufomat nga qyteti port, përpara se t’i “hedhnin” në Manhush, raporton BBC.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.