Imazhet satelitore/ Forcat ruse zhvendosen drejt Ukrainës lindore

Botë | 5 vite më parë

Imazhet satelitore të kapura nga Maxar Technologies në 24-orët e fundit, tregojnë forcat ruse duke u zhvendosur në Ukrainën lindore.

Sipas imazheve satelitore, të publikuara nga CNN, shihet një numër i dislokimeve ushtarake përgjatë një autostrade kryesore dhe korridorit që të çon nga qytetet Soloti dhe Valuyki në rajonin Belgorod të Rusisë perëndimore, drejt kufirit me Ukrainën

Sikurse shihet në pamjet satelitore, dislokimet përbëhen nga dhjetëra automjete të blinduara, trupa me tenda dhe pajisje mbështetëse. Ato mund të shihen në imazhet satelitore në fusha dhe ferma në perëndim të Soloti dhe pranë qyteteve ruse të Dubrovka, Biriuch dhe Leonovka, e cila është rreth 5 milje nga kufiri me Ukrainën, raporton CNN.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.