Lufta në Ukrainë/ Presidenti Zelensky: Rusia po përpiqet të na shkatërrojë, kjo javë do jetë vendimtare

Botë | 5 vite më parë

Teksa trupat ruse po përqëndrojnë forcat e tyre për një ofensivë të fuqishme në Donbas dhe përgjatë frontit jugor që të çon në Odesa nëpërmjet Mariupol, Presidenti i Ukrainës, Volodymyr Zelensky ka dalë me një deklaratë ditën e sotme, ku ka thënë se kjo javë për Ukrainën do të jetë vendimtare.

“Ne po i afrohemi fundit të një jave tjetër. Lufta jonë për liri, për shtetin. Një javë tjetër që Ukraina mbeti gjallë, me gjithë përpjekjet e Rusisë për të na shkatërruar. Ne po luftojmë. Ne po mbrohemi. Ne po zmbrapsim sulmet”, ka deklaruar Zelensky.

Më tej, Presidenti ukrainas ka thënë se vendi i tij po bën gjithçka që mundet për të fituar luftën dhe akuzoi udhëheqjen ruse se po përpiqet për të hequr fajin, raporton BBC.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.