Shtetet e Bashkuara do t’i kërkojnë Asamblesë së Përgjithshme të OKB-së që të pezullojë Rusinë nga Këshilli i të Drejtave të Njeriut, tha të hënën ambasadorja e SHBA në Kombet e Bashkuara Linda Thomas-Greenfield, pasi Ukraina akuzoi trupat ruse për vrasjen e dhjetëra civilëve. në qytetin e Buçës raporton Reuters.

Rusia është në vitin e dytë të mandatit tre-vjeçar në këshillin me bazë në Gjenevë.

Një shumicë prej dy të tretash nga asambleja prej 193 anëtarësh në Nju Jork mund të pezullojë një shtet nga këshilli për kryerjen e vazhdueshme të shkeljeve të rënda dhe sistematike të të drejtave të njeriut gjatë anëtarësimit të tij.

“Dhe është e gabuar, prandaj ne besojmë se është koha që Asambleja e Përgjithshme e OKB-së të votojë për t’i hequr ato.”

Që nga fillimi i pushtimit të Ukrainës më 24 shkurt, Asambleja e Përgjithshme e OKB-së ka miratuar dy rezoluta që denoncojnë Rusinë me të paktën 140 vota pro. Moska thotë se po kryen një “operacion special ushtarak” që synon të shkatërrojë infrastrukturën ushtarake të Ukrainës.

Nënkryetari i bashkisë së Bucha tha se 50 nga rreth 300 trupa të gjetur pasi forcat e Kremlinit u tërhoqën ishin viktima të vrasjeve jashtëgjyqësore të kryera nga trupat ruse. 

Autoritetet ukrainase thanë se po hetonin krimet e mundshme të luftës atje, një përshkrim i përdorur edhe nga presidenti francez Emmanuel Macron. Kremlini mohoi kategorikisht çdo akuzë në lidhje me vrasjen e civilëve në qytet.

Shtetet e Bashkuara kanë thënë se krime lufte janë kryer në Ukrainë dhe ekspertët amerikanë po mbledhin prova për ta vërtetuar atë.

Asambleja e Përgjithshme ka pezulluar më parë një vend nga Këshilli i të Drejtave të Njeriut. Në mars 2011, ajo pezulloi unanimisht Libinë për shkak të dhunës kundër protestuesve nga forcat besnike të liderit të atëhershëm Muammar Gaddafi.