Shpërthime të forta në portin e Odesas! Autoritetet apel qytetarëve: Qëndroni në strehimore

Botë | 5 vite më parë

Në orët e para të kësaj të diele janë regjistruar shpërthime të forta në portin jugor të Ukrainës, në Odesa. Një dëshmitar tha për “Reuters” se në bregun e Detit të Zi u përhapën shtëllunga të mëdha tymi. Ndërsa korrespondentja e “Washington Post”, Isabelle Khurshudyan, e cila ndodhet në Odesa ka shkruar edhe një status në “Twitter”.

“Shpërthime të forta në qendër të Odesas tani. Dritaret e dhomës sime të hotelit sapo u drodhën. Nuk dihet ende çfarë ishte”, shkruan ajo.

Serhiy Bratchuk, një zëdhënës i administratës ushtarake rajonale të Odesas, u bëri thirrje banorëve të qytetit të qëndrojnë në strehimore.

“Ne do t’i mposhtim. Armiqtë do të shkojnë në ferr!”, ka shkruar ai në një postim në “Facebook”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.