Anatoly Chubais, një këshilltar i lartë i presidentit rus Vladimir Putin, ka dhënë dorëheqjen si i dërguari special i Kremlinit pranë organizatave ndërkombëtare. “Chubais ka dhënë dorëheqjen me kërkesën e tij”, tha zëdhënësi i Kremlinit Dmitry Peskov, sipas agjencisë së lajmeve Interfax. Dorëheqja e Chubais thuhet se lidhet me luftën e Rusisë kundër Ukrainës, por Peskov tha se ky ishte një vendim “personal”. E përditshmja ruse e biznesit “RBK” tha se Chubais po largohej nga Rusia për në Turqi. Chubais, një anëtar i kampit liberal të Kremlinit, mori detyrën si përfaqësues special në organizatat ndërkombëtare në dhjetor 2020
Anatoli Borisovich Chubais i lindur më 16 qershor 1955 është një oligark biznesi rus,  i cili ishte përgjegjës për privatizimin në Rusi si një anëtar me ndikim i administratës së Boris Jelcinit në fillim të viteve 1990. Gjatë kësaj periudhe, ai ishte një figurë kyçe në prezantimin e një ekonomie tregu dhe parimeve të pronësisë private në Rusi pas rënies së Bashkimit Sovjetik. Nga viti 1998 deri në vitin 2008, ai drejtoi monopolin shtetëror të energjisë elektrike RAO UES. Nga dhjetori 2020, ai punoi si i dërguar special i Presidentit të Federatës Ruse për Marrëdhëniet me Organizatat Ndërkombëtare. Më 23 mars 2022, ai dha dorëheqjen nga ky pozicion, duke shprehur kundërshtimin e tij ndaj pushtimit rus të Ukrainës në vitin 2022 dhe u largua nga Rusia.