Polonia dëbon 45 diplomatë rusë të dyshuar për spiunazh

Botë | 5 vite më parë

Polonia ka vendosur të dëbojë 45 diplomatë rusë të dyshuar për spiunazh kundër vendit, tha një zëdhënës i ministrisë së jashtme polake.

45 rusët dyshohen se janë spiunë ose janë bashkëpunëtorë të spiunëve, tha më herët Stanislaw Zaryn, një zëdhënës i shërbimeve speciale polake.

Njëri prej tyre u identifikua gjatë një hetimi ndaj një shtetasi polak, i cili punonte në arkivin e zyrës së të dhënave civile të Varshavës, për spiunazh të dyshuar, tha Zaryn.

Polaku u arrestua javën e kaluar dhe i është caktuar masa e paraburgimit për tre muaj. Ambasadori rus në Poloni, Sergej Andreyev, i mohoi akuzat pasi u thirr në ministrinë e jashtme polake më herët të mërkurën.

Z. Zaryn shkroi në Twitter se ambasadori rus përsëriti “gënjeshtra absurde” duke shtuar se ai është “një fals i madh”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.