Presidenti amerikan Joe Biden autorizoi të shtunën 200 milionë dollarë në armë dhe ndihmë të tjera për Ukrainën, tha Shtëpia e Bardhë, pasi zyrtarët ukrainas thanë se granatimet e rënda nga forcat ruse po rrezikonin tentativën për evakuim raporton Reuters.

Vendimi e çon ndihmën totale të sigurimit të SHBA-së për Ukrainën gjatë vitit të kaluar në 1.2 miliardë dollarë, tha një zyrtar i lartë i administratës.

Në një memorandum për Sekretarin e Shtetit Antony Blinken, Biden udhëzoi që deri në 200 milionë dollarë të akorduara nëpërmjet Aktit të Ndihmës së Huaj të caktohen për mbrojtjen e Ukrainës.

Fondet mund të përdoren për armë dhe artikuj të tjerë të mbrojtjes nga stoku i Departamentit të Mbrojtjes, si dhe edukimin dhe trajnimin ushtarak për të ndihmuar Ukrainën.

Fondet e reja vijnë disa ditë pasi Kongresi Amerikan miratoi 13.6 miliardë dollarë ndihmë urgjente për Ukrainën, si pjesë e një mase prej 1.5 trilion dollarësh për të financuar qeverinë amerikane deri në shtator.