“Polonia është e gatshme të vendosë të gjithë avionët e saj MIG-29 në bazën ajrore Ramstein në Gjermani, dhe t’i vërë në dispozicion të Shteteve të Bashkuara dhe u kërkon anëtarëve të tjerë të NATO-s që zotërojnë avionë të këtij lloji të bëjnë të njëjtën gjë”, tha Ministria e Jashtme polake të martën. 

Ligjvënësit amerikanë shtynë administratën e presidentit Joe Biden të hënën për të lehtësuar transferimin e avionëve luftarakë në Ukrainë nga Polonia dhe vende të tjera të NATO-s dhe Evropës Lindore, pas një thirrjeje të shtunën nga presidenti ukrainas Volodymyr Zelenskiy.

Në këmbim, Polonia u kërkon Shteteve të Bashkuara që t’i ofrojë atyre në këmbim “avionë të përdorur me aftësi operacionale” dhe shton se “është e gatshme të vendosë menjëherë kushtet e blerjes së avionëve”. Qeveria polake u kërkon gjithashtu aleatëve të tjerë të NATO-s, që posedojnë avionë MIG-29 – të veprojnë në të njëjtën mënyrë.

Polonia po mbështet Kievin me armë mbrojtëse, por ka thënë se nuk do të dërgojë avionë në Ukrainë, pasi nuk është palë e drejtpërdrejtë në konfliktin midis Ukrainës – e cila nuk është aleate e NATO-s – dhe Rusisë.

“…çdo vendim për dërgimin e armëve sulmuese duhet të merret nga e gjithë NATO dhe mbi baza unanime,” tha kryeministri Mateusz Morawiecki të martën gjatë një konference të përbashkët shtypi me homologun e tij norvegjez në Oslo.

SHBA konfirmoi gjatë fundjavës se po punon për një marrëveshje me Poloninë për të furnizuar Ukrainën me avionë.