Ukraina dhe Rusia do të bisedojnë të enjten për armëpushim

Botë | 5 vite më parë

Rusia dhe Ukraina do të bisedojnë për një armëpushim, gjatë raundit të dytë të bisedimeve, që do të mbahet më 3 mars, tha kryenegociatori i Moskës, teksa forcat ruse kanë vazhduar sulmet e tyre kundër qyteteve ukrainase.

Vladimir Medinsky, që është ndihmës i presidentit rus, Vladimir Putin, tha më 2 mars se përveç armëpushimit, do të diskutohet edhe çështjen e korridorit humanitar në Ukrainë.

Presidenca ukrainase ka konfirmuar se delegacioni i saj ishte “nisur” për në vendin ku do të mbahen bisedimet, pasi Medinsky tha se delegacioni ukrainas veçse është nisur nga Kievi.

Bisedimet pritet të mbahen në rajonin Brest në perëndim të Bjellorusisë. Rundi i parë i bisedimeve midis Ukrainës dhe Rusisë u mbajt më 28 shkurt dhe përfundoi pa rezultate. Në atë takim, delegacioni ukrainas kërkoi armëpushim dhe tërheqjen e ushtrisë ruse.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.