BE-ja sanksionon ushtarakë bjellorusë për pushtimin e Ukrainës

Botë | 5 vite më parë

Bashkimi Evropian të enjten vendosi sanksione ndaj 22 zyrtarëve të ushtrisë bjelloruse për shkak të rolit të Minskut në ndihmën e Rusisë për pushtimin e Ukrainës.

Gjashtë gjeneralë dhe 16 kolonelë i janë shtuar listës së zezë të BE-së për shkak se “Bjellorusia po merr pjesë në pushtimin e paprovokuar rus kundër Ukrainës, duke lejuar agresion ushtarak nga territori i saj”, thuhet në dokumentin e sanksioneve, raporton AFP.

Personave të sanksionuar po ashtu do t’iu ndalohet udhëtimi në bllok dhe asetet e tyre do t’iu ngrihen.

Rusia nisi pushtimin e Ukrainës në mëngjesin e 24 shkurtit, duke përdorur territorin bjellorus për të dërguar trupa në Ukrainë. Bjellorusia ka thënë se nuk po merr pjesë në pushtimin ushtarak.

Mbretëria e Bashkuar po ashtu ka vendosur sanksione ndaj Minskut për shkak të rolit të tij në luftën në Ukrainë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.