Ministria ruse e mbrojtjes konfirmon se ka kryer një sulm ushtarak në infrastrukturën e komunikimit

Botë | 5 vite më parë

Ministria ruse e Mbrojtjes ka pranuar se ka kryer sulme me rreze të gjatë me armë precize që synojnë infrastrukturën e komunikimit ukrainas, tha në një deklaratë të mërkurën zëdhënësi ushtarak rus, gjeneralmajor Igor Konashenkov.

Objektet e agjencisë së inteligjencës ukrainase ishin në mesin e objektivave të goditur, sipas agjencisë shtetërore ruse të lajmeve TASS.

Të martën, zona përreth një kulle televizive në kryeqytetin ukrainas të Kievit u godit nga sulme ushtarake, treguan video dhe foto të postuara në mediat sociale, të gjeolokuara dhe të verifikuara nga CNN. Ministria e Punëve të Brendshme të Ukrainës gjithashtu konfirmoi se kishte një sulm ushtarak pranë kullës televizive.

Nuk ishte menjëherë e qartë nëse zona përreth kullës ishte ndër objektivat e përmendur nga Ministria Ruse e Mbrojtjes./CNN

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.