Afganistan, 22 viktima nga dy tërmete

Botë | 5 vite më parë

Të paktën 22 persona kanë humbur jetën në Afganistan pasi ai vend u godit të hënën nga dy tërmete të njëpasnjëshme. Sipas të dhënave nga Shoqëria Gjeologjike Amerikane, termetet me magnitudë 4.9 dhe 5.3 ballë prekën provincën veriperëndimor Badghis, ku ka shkaktuar shembje shtëpish dhe ndërtesash të tjera. Një zëdhënës lokal tha për agjencinë e lajmeve AFP se mes viktimave ishin gjetur edhe katër fëmijë. Numri i viktimave mund të rritet më tej pasi ekipet e shpëtimit po vijojnë kërkimet në rrënoja. Më shumë se 700 shtëpi janë dëmtuar. Tërmetet mund të shkaktojnë dëme të mëdha në Afganistan sidomos prej faktit se banesat nuk janë shumë të qëndrueshme apo të mirëndërtuara. Tërmeti i parë goditi pasdite ndërsa i dyti pas dy orësh.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.