Konflikti Rusi-Ukrainë, pjesëtarë të NATO dhe zyrtarë rusë diskutojnë sot në Bruksel

Botë | 5 vite më parë

Pjesëtarë të aleancës më të fuqishme ushtarake në botë, takohen sot me zyrtarë të lartë rusë në Bruksel për të diskutuar mënyrat për parandalimin e një konflikti të ri lidhur me Ukrainën.

Bisedimet, që vijnë pas atyre të zhvilluara mes Moskës dhe Uashingtonit në Gjenevë, edhe në këtë rast nuk pritet të prodhojnë rezultate.

Zëdhënësi i Kremlinit, Dmitri Peskov tha të mërkurën se nuk sheh arsye për optimizëm. Sipas tij bisedimet mes Rusisë dhe NATO-s dhe më pas takimi në Vjenë me përfaqësuesit e OSBE-së, do të tregojnë nëse do t’ia vlejë të zhvillohen negociata të mëtejshme.

“Do të bëhet e qartë se në çfarë drejtimi do të vazhdojmë. Ne nuk do të pranojmë zvarritjen e këtij procesi pafundësisht”, ishte komenti i zëdhënësit.

Nën kërcënimin e pozicionimit të më shumë se 100 mijë trupave ruse në kufirin me Ukrainën, SHBA refuzoi të hënën, kërkesën e Moskës për të frenuar zgjerimin e NATO-s në lindje.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.