Macron takohet me presidentin azerbajxhanas dhe kryeministrin armen

Botë | 5 vite më parë

Presidenti i Francës, Emmanuel Macron është takuar në Bruksel me presidentin e Azerbajxhanit, İlham Aliyev dhe kryeministrin e Armenisë, Nikol Pashinyan.

Në një postim nga llogaria në Twitter lidhur me takimin, Macron tha: “Nuk do t’i braktisim kurrë armenët. Gjithmonë kërkojmë zgjidhje për paqe të përhershme”.

Duke theksuar se ka bërë thirrje për përparim njerëzor dhe ulje të tensioneve në pushimet e fundvitit, Macron ndau pamje lidhur me takimin e zhvilluar me Aliyev dhe Pashinyan.

Dje në Bruksel u mbajt Samiti i Partneritetit Lindor të Bashkimit Evropian me pjesëmarrjen e liderëve nga BE-ja, Ukraina, Gjeorgjia, Moldavia, Azerbajxhani dhe Armenia.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.