Protesta të reja në Sudan kundër marrjes së pushtetit nga ushtria

Botë | 5 vite më parë

Protesta mbarëkombëtare shpërthyen të enjten në Sudan kundër marrjes së pushtetit nga ushtria në fund të muajit të kaluar.

Protestat që u zgjeruan në shumë rajone erdhën pavarësisht një kompromisi që u nënshkrua midis kreut të ushtrisë, gjeneral Abdul Fattah Alburhan për të rivendosur kryeministrin Abdallah Hamdok.

Protestuesit hodhën slogane anti-ushtarake dhe kritikuan marrëveshjen që u nënshkrua javën e kaluar.

Mijëra persona u mblodhën në lagjet e Khartoumit, përfshirë stacionin 40, rrugën 60, Omdurman, Bahri, Alkalakla, Alshajara dhe qytetet e Port Sudanit, Kassala, Nyala Shandi dhe pjesë të tjera të vendit.

Ndër kërkesat e tyre janë lirimi i të arrestuarve politikë dhe hetimi për vrasjen e protestuesve.

Shoqata e Profesionistëve Sudanezë (SPA) kërkoi “shembjen e grushtit të shtetit dhe marrëveshjen me kryeministrin”./AA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.