Një komitet parlamentar brazilian i atribuoi krime të rënda presidentit Jair Bolsonaro në lidhje me pandeminë shkatërruese të koronavirusit në vend dhe rekomandoi ngritjen e një aktakuze.

Komiteti votoi dje 7-4 për të miratuar zyrtarisht raportin përfundimtar të komitetit për politikat e koronavirusit të Bolsonaros.

Raporti e akuzon Bolsonaron me nëntë krime duke filluar nga sharlatanizmi tek nxitja e krimit dhe krimet kundër njerëzimit.

Ai gjithashtu rekomandon shkarkimin.

”Komiteti hetimor ka dëshmuar gjurmët e presidentit në mijëra vdekje nga Covid-19”, tha senatori Renan Calheiros, autori i raportit, javën e kaluar ndërsa prezantoi dokumentin.

Pas SHBA-së dhe Indisë, Brazili ka numrin më të madh të infeksioneve me koronavirus, me afro 22 milionë raste.

Së fundmi, vendi më i madh në Amerikën Latine ka kaluar shifrën e 600 000 vdekjeve nga Covid-19.

Përveç Bolsonaros, raporti prej gati 1 300 faqesh rekomandon akuza kundër dhjetëra njerëzve duke përfshirë tre nga djemtë e presidentit dhe dy kompani.

Nuk është e qartë se çfarë pasojash do të ketë raporti dhe nëse rekomandimet do të çojnë në kallëzim penal./ATSH