Draghi: Sigurimi i të drejtave dhe ndihmës për afganët një detyrim moral

Botë | 5 vite më parë

Ditët e fundit, në Afganistan, ne kemi qenë dëshmitarë të imazheve që na kthejnë në vitet më të errëta të historisë së vendit, tha kryeministri italian, Mario Draghi, në Forumin Ndërfetar të G20-s.

“Në veçanti, gratë, të cilat në njëzet vitet e fundit kishin rifituar të drejtat themelore, të tilla si arsimi, tani janë në rrezik madje edhe të ndalohen të ushtrojnë sporte, duke shtypur edhe përfaqësimin e tyre në qeveri”, vuri në dukje Draghi.

“Si bashkësi ndërkombëtare, ne kemi një detyrim moral ndaj një vendi ku kemi qenë për 20 vjet”, shtoi ai.

Kryeministri theksoi detyrimin për ndihmë humanitare, parandalimin e terrorizmit, mbështetjen e mbrojtjes së të drejtave të njeriut./ ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.